Den Donneschden 09. Mäerz war d’Setze vum Grondsteen vun der neier Kënzeger Spillschoul mat Précoce. Wéinst dem schlechte Wieder, ass déi kleng Feier an de Festsall verluecht ginn, wou d’Kanner aus dem Précoce an der Spillschoul de Gäscht e klengt Lidd gesongen hunn. No der Ried vum Buergermeeschter Michel Wolter gouf et den traditionnellen Éierewäin. Wann alles riicht leeft, dierften déi kleng Butzen ëm Ouschteren 2018 an hier nei Schoul eraplënneren, spéidstens awer fir d’Rentrée 2018/2019.
